《失憶24小時》郭晉安幫譚俊彥搵記憶爆笑彈

20210214
東網電視
更多新聞短片
視帝郭晉安與譚俊彥在新劇《失憶24小時》首度合作,一個演「壞」、一個扮「傻」,上演黑色喜劇。安仔謙稱面對譚俊彥挑戰大,做戲似考試;演慣沉重角色的譚俊彥就指要向搞笑能手安仔偷師,兩人戲中笑料百出。
王心慰監製的無綫新劇《失憶24小時》將於2月15日、逢星期一起晚上8時30分在翡翠台播出,故事由一個「戇居佬」遇上一個「躝癱」為設定,講述室內設計師譚俊彥與茶餐廳伙計郭晉安,兩個截然不同的人因一宗綁架案而扯上關係,並引發連串問號。
暗懷鬼胎的安仔「協助」綁架後患上「短暫性全面失憶」的譚俊彥還原真相,追查被綁架原因以及綁匪身份,當中涉及社團成員單立文與譚偉權等,原來劇中每個人物都跟事件有關,劇情曲折,謎底逐一拆解,是一部既懸疑又幽默的黑色喜劇。
初次合作火花四濺
新作不但情節驚喜,演員配搭更是新鮮,兩位男主角初次合作已擦出火花,喜感十足,令人喜出望外。安仔透露他們事前會將對白背到滾瓜爛熟,埋位不會看劇本:「對住譚俊彥好大挑戰,好似考試咁,埋位就講對白,咁先有時間做到更多嘅嘢。我同佢第一次合作,佢係一個既勤力又有禮貌嘅演員,又係一個好好先生。」劇中安仔有不少動作場口,落水之餘又要碌落山,頗為辛苦。
譚俊彥就指這是他在無綫的首部喜劇,要向前輩安仔偷師:「佢拍喜劇好有經驗,我同單立文、安仔有段戲係我喺無綫以來最好笑嘅一段。我演一個傻更更嘅人,性格小朋友、單純又直接,同我本身性格好大出入,年紀有番咁上下,要搵番嗰種童真好難,難得大家將頑皮、曳嘢全部摷番晒出嚟,好搞笑。」
贖完老公失蹤 王君馨勾佬?
除了綁架案之外,劇中還牽涉一筆失蹤贖款,飾演譚俊彥太太的王君馨交贖金後不知所蹤,後來被揭發與張達倫關係耐人尋味,但張達倫同時想翻撻前妻江欣燕,感情錯綜複雜。君馨透露與譚俊彥首次合作已相當合拍:「同佢合作好舒服,我哋都喺外國讀書,大家有時會用英文溝通,我哋又會將自己平時夫妻相處嘅細節加入角色,令角色更真實同生活化。」她又指有幾場喊戲特別難忘,感激對方運用不同方法助她入戲:「喺佢身上學到好多嘢,我好幾次同身邊朋友講佢係好對手,大家好合拍。」劇中譚俊彥亦夾在古板父親姜大偉及「竹升妹」太太王君馨之間,左右做人難。
食飽等抱9條街 譚凱琪內疚
劇情除了幽默之外,亦不乏溫情,有笑有淚。郭晉安對家人相當有愛,他有智障弟弟何遠東、失婚「中女」妹妹江欣燕,以及「港女」前妻譚凱琪。何遠東拍攝前曾到匡智會觀察學員起居生活及上堂,做足準備工夫,他說:「其中一場戲係學員同我一齊抹車,講我受委屈,學員好投入仲安慰我,好有人情味。」劇中他更獻出「男男」初吻給安仔。
至於譚凱琪最深刻是安仔抱她跑足9條街搵醫院,她說:「當日拍咗4、5個鐘,我見佢拍到流晒汗,最內疚係我拍之前仲要食得飽飽,加重咗佢嘅負擔。」