去拜年融入蔡思貝家中 胡鴻鈞公開「關係」...

2021年02月15日 00:27
東網電視
更多新聞短片
藝人蔡思貝被東網率先踢爆同胡鴻鈞拍拖,不過佢哋一直都冇承認,仲解釋佢哋係朋友關係,不過上年10月,東網再爆蔡思貝揸住男方家姐架名貴跑車代步,相信已經順利融入胡鴻鈞家中。嚟到農曆新年梗係要見吓親友,有指胡鴻鈞去咗女方親友屋企拜年,佢同蔡思貝過咗晚上12點先至一齊離開,蔡思貝揸住男方家姐架名貴跑車,接送胡鴻鈞離開。
東網致電胡鴻鈞,對於已融入蔡思貝家中,佢話:「都係去朋友度拜年,祝大家新春快樂,身體健康,謝謝!(依家同思貝咩關係?)一直都係好朋友呀!」至於蔡思貝就話:「平時都好忙,難得新年放假,可以同好朋友見面拜年好開心,祝大家都新年快樂身體健康呀!」