【拍過吳宗憲電影】42歲台灣演員身高只有1米35成民間傳奇

由吳宗憲自導自演嘅台灣電影《神探兩個半》，片中有個精靈小男生，被媒體封為「真人版名偵探柯南」，呢位小男生無論外形同聲音都同一般小學生冇分別，但原來呢位小男生已經42歲，佢個名叫鍾國洪。

鍾國洪身高只有1米35，但心智同成熟嘅大人冇分別，如果大家有睇過講述台灣民間傳奇嘅劇集《戲說台灣》，一定對佢唔會感到陌生，佢喺劇中可愛嘅扮相深得媽咪級歡心，但特殊嘅外表，亦令佢帶來唔少困擾，甚至令佢心願遲遲冇法達成。

鍾國洪講過，自己嘅身體狀況，早喺小學就被師長同父母發現，當其他同學迅速增高嘅時候，只有佢依然冇法衝破1米10關卡，父母即帶佢到醫院Check，醫生診斷佢腦下垂體出咗問題，由於其他身體狀況都好健康，家人唔願意畀個仔當成醫院白老鼠，最終冇法搵到有效嘅治療方法。

面對上天嘅玩笑，鍾國洪一直樂觀面對，雖然因為體形關係，令佢錯失不少工作機會，但特殊的身形同風趣嘅個性，亦意外讓令佢成為唔少鄉土劇嘅鐘點演員！