加國豪宅靚到暈！陳瀅越洋收「老公」花勁冧豬

東網電視

今年情人節撞正年初三，無綫小花陳瀅就身在加拿大同家人過年，而情人節佢都不愁寂寞！事關單身嘅佢收到束巨形玫瑰花，開心到不斷影相晒幸福，仲間接令佢「屋企」曝光！客廳勁寬敞，裝潢簡約行白色典雅風，一無雜物勁整齊，真係令人羨慕呀！

佢唔只收到一紮花，佢以「老公」稱呼嘅圈外人Howie亦越洋送上紅玫瑰，心意卡上寫住「Wifey, please come home soon, I miss you!」以老婆呼喚佢又叫佢快啲返屋企，甜到漏呀！

而陳瀅好姊妹、去年結婚嘅何雁詩就首已人妻身份收花，同老公鄭俊弘（Fred）仲喺海傍隔住口罩深深一吻，網民都笑言：「鄭生今次超額炮製浪漫?，鄭太給幾多分？」、「好有小情人feel呀， Fred哥哥走出comfort zone！」

同男友Mark愈愛愈高調嘅G.E.M.（鄧紫棋）就收到一盒玫瑰花，留言：「本來以為今天沒有花，原來我錯了?情人節快樂❤️」相中嘅佢戴上公仔頭飾，隔籬左右都係啲毛毛嘢，少女感十足！

on.cc東網