逆市賣口罩！B.Gs靠玩Gimmick突圍

女子組合B.Gs成員霍柔心、唐菲、周汶希為投資的情人節限定香味口罩，舉行祝捷會，還有梁裕恆、「鐵面陳」王致狄、組合3style等撐場。身穿旗袍的3女興奮指口罩經已全數售罄，於未扣除成本之下有5位數字進帳，等同2、3場騷錢：「今次淨計口罩成本係8萬蚊，限定1,000套，拎咗100套喺啱啱嘅情人節做預售，諗住試試水溫，點知結果超出預期，超額訂購100倍！大家都好支持由我哋港女設計嘅口罩，之後有再加印，而加印賺到嘅錢會捐出去。」

講到現時市面口罩量供多於求，近日口罩店更掀倒閉潮，她們說不怕逆市而行，靠玩Gimmick突圍而出：「我哋係主打女性市場，同埋我哋嘅口罩係有香味，之後會再推男士用嘅口罩。」

霍柔心股骨碎裂

另外，霍柔心早前因發生意外導致股骨碎裂，她指今年都不能跳舞：「醫生喺做手術加咗2粒釘，1年後拆番就有機會好番。（啱啱分手想快啲搵番個？）都好，等大家介紹。」最後3女透露稍後會分別推出快歌及慢歌。