陳智燊全家名字加埋　變農曆新年祝福語

藝人陳智燊同老婆宋熙年諗頭多多，繼今年用「年年加燊（年年加薪）」利是封派利是外，呢日喺社交網上載一家四口家庭照，更將佢哋4個人嘅名，抽取組成1句祝福語，順道公布埋細仔中文名叫陳昆佑，宋熙年喺社交網留言：「我哋嘅中文名，可以組成一句農曆新年祝福語，陳智燊＋宋熙年＋陳昆佑（Jamie）＋ 陳裕炘（Damon）= 燊年佑裕快（新年又愉快）！」

唔少網友指估唔到佢兩個外國長大，竟然可以中文咁好，亦好羨慕佢哋點解可以整張咁正常嘅全家福，隨即宋熙年溫馨提示大家：「好多父母話好難同小朋友影靚相，其實只要畀番佢哋着過嘅衫，等佢哋唔會拒絕，咁就冇事啦。」