【最遙遠的距離】董敏莉同老公分房有得睇冇得摸

藝人董敏莉與律師老公決定移民到台灣，近日更飛到當地展開新生活，現時進行隔離生活嘅佢，今日喺社交網上載近況，指隔離期間要同老公一人一間房，而囡囡則因為太細個，故同佢一間房生活！佢更坦言每日拎食物同倒垃圾嘅時候，自己同個女先可以見到老公一面，感覺似足坐監咁：「終於感受到咩叫既近且遠，最遙遠的距離，就係見到但摸唔到，一世人應該無乜機會要『隔離』（唔該以後都唔好再有）。依家親身感受到佢嘅可怕，猶如軟禁，亦如坐監......惟有梳理好情緒，輔以小確幸精神，努力完成15天。」