歐倩怡預演畢業　郭晉安帶仔女行山罩不離口

藝人歐倩怡與郭晉安結婚多年向來恩愛，而淡出多年嘅歐倩怡好學不倦，經常讀書增值自己，修讀營養學學士嘅佢，之前因為疫情關係，畢業禮未能如期舉行，今日佢喺社交網上載戴四方帽嘅相，率先預演畢業典禮，佢留言：「疫情受控，唔知我的畢業禮會否能正常舉行呢？！期待！」

另邊廂，老公郭晉安則帶埋一對仔女齊齊行山，雖然行山能夠吸收新鮮空氣，但佢哋3個仍然冇鬆懈，罩不離口繼續行山，一對仔女獲網友大讚盡得父母真傳，仔仔愈大愈大靚仔，而囡囡則望落同歐倩怡好似樣，一人似一個，夠晒公平！