【何哲圖離職】吳若希感激多年照顧　JW對志偉有信心

歌手吳若希（Jinny）當年由星夢娛樂CEO何哲圖（Herman）一手栽培，對於Herman離職，她說：「佢對我哋好好，多謝佢咁多年嘅照料，希望佢繼續為樂壇帶嚟好嘅音樂。（佢離職對你有影響嗎？）冇咩影響，因為我一直都係無綫Management。」

至於去年8月加盟星夢的歌手JW（王灝兒），則說：「我都好多謝Herman過去幾個月嘅照顧同支持，亦希望佢嚟緊個人音樂事業會發展得好好！我由細個開始已經好鍾意睇《超級無敵獎門人》同埋志偉嘅電影，所以對志偉好有信心，好似佢咁講，一齊進步，帶畀市民歡樂，一齊製作好嘅節目同音樂畀大家！

而「星夢一姐」菊梓喬（Hana）自從2017年加盟後，一直深受Herman力捧，又傳出與師姐吳若希爭寵，連奪3屆「最受歡迎女歌星」的她，對Herman宣布3月離職，她回覆東網說：「啱啱知道呢個消息，好多謝Herman對我嘅栽培，TVB嘅音樂會一路向好。」

而鄭俊弘（Fred）也坦言剛剛睇新聞才得悉，他同樣好多謝Herman這幾年對他在音樂上的栽培，他衷心希望對方會有更好的發展。他更自爆：「上年年尾我同星夢唱片呢邊嘅合約都完咗，嚟緊新一年我都有新嘅開始，新嘅嘗試，繼續努力做好自己。祝大家新年快樂身體健康。」