新劇演情侶！張振朗着增高鞋襯起高海寧

藝人高海寧（高Ling）與張振朗在將軍澳電視城為無綫新劇《童時愛上你》試造型。高Ling在劇中飾演因意外而導致智商只得8歲的女人，挑戰演技。她與振朗首次演情侶，兩人最擔心是大家笑點太低會頻頻NG。振朗則擔心「沒有6呎高」，與她不相襯問題，笑言已經穿了2吋厚底鞋亮相：「開工都會着增高鞋，服裝部好犀利，今日都安排咗畀我。」

振朗自爆劇中又要除衫騷肌，身旁的高Ling則大讚說：「Oh my god，佢真係好fit，啲線條靚到呢！」振朗指拍《拳王》已經戒口，過年回復正常食量，現在又要重新操肌。

講到星夢高層何哲圖將離職，曾志偉將全面掌管音樂及綜藝節目，振朗說：「呢啲公司安排，我哋都係跟住做。」高Ling亦稱會主力拍劇，希望新節目能帶給香港人更多歡樂，她說：「我都想拍真人騷，好似介紹男朋友、荒島求生咁，陳喬恩都係因為拍真人騷識到另一半哈哈。」振朗則希望拍攝刺激的極限運動節目，挑戰難度。