即衝去做Gym！鞏姿希攰到瞓低　陳婉衡保持水準

疫情關係，關閉多時嘅健身室終於重開，一班「餓」咗好耐藝人，急不及待紛紛喺社交網透露要「還債」，同脂肪講拜拜！先講藝人崔碧珈最有誠意，放緊假仍一早起身去做運動，並上載側面靚相，雖然見唔到「事業線」，但一樣索爆，她留言：「今日除咗係人日之外，好多場所都開番，特登早啲起身去做gym！」

至於無綫娛樂台新聞主播鞏姿希就即刻孖住好朋友陳婉衡做運動，平時教慣學生嘅陳婉衡，雖然冇做一排，戰鬥力相當唔錯，但見鞏姿希就似乎搞唔掂，累到成個人瞓低！

最有鬥心，莫過於「牛雜妹」李亦喬，雖然要面對家人經營麵店有結業嘅可能，但佢仍然學打泰拳，似乎想打走負能量：「今年嘅五項學習技能任務，第一項：打泰拳。終於等到拳館開嘅一日。」