判決書出爐重要真相曝光　吳秀波唔再做演員

大陸演員吳秀波2018年被自認係「第三者」嘅內地女星陳昱霖爆背妻偷食，終女方入獄，男方身敗名裂，近日更指陳昱霖疑似出獄，在社交網晒相蒲頭！以為大家各有各生活，點知事件仲未完，尋日（18日）法院判決書出爐，竟然令3年嘅羅生門有一個令人驚訝嘅結局！

當年陳昱霖父母指吳秀波疑似以談分手費為由「設局」，逼陳昱霖回中國後令佢喺機場被逮，一直去到尋日法院判決書出爐，判處陳昱霖有期徒刑3年，緩刑3年，並處罰金人民幣10萬元：「辯護人提出，本案系吳秀波一方設局陷害，法院未予以認定」，間接還吳秀波清白。

不過有大陸傳媒指吳秀波今後將不再從事演員職業，並爆料指陳昱霖原本可能判10年，但因為吳秀波簽署諒解書，法庭最終先有咁嘅判決。

有網友指今次判決書對「吳秀波設局陷害」未予以認定，解除咗外界對吳秀波嘅質疑，似乎對佢嘅復出路打咗支強心針，不過亦有網友依舊大鬧佢「婚內出軌」，對佢印象仍然抱負面心態。