吳卓羲收藏價值7位數Figure 北京開博物館放珍藏

2021年02月19日 15:00
東網電視
更多新聞短片
藝人吳卓羲向來都有儲雕塑、Figure公仔,共有數百件收藏品,總值共7位數字,家中更有個1:1漫威超級英雄人物Iron Man,收藏品的數量,連母親都指他太瘋狂。2年前,他索性於北京開了首家雕像博物館,專門擺放他的心頭好,實行開放給眾雕塑、Figure迷欣賞。
博物館分3層,有2層是陳列展示區,當中的雕塑包括Marvel、星戰、DC的英雄角色等,真的令人眼花繚亂,不過館內展品只佔他收藏品的3分之1,不少還安置在家裏。他說:「因為實在太多,如果合價錢嘅我都會賣出去,好似漫威惡靈騎士呢個攞咗雕塑大獎,已經炒到一倍多價錢。」
擬移師深圳 開餐廳展出
問到打理方面有甚麼心得,他說:「真係要好勤力打掃,3、4日就要掃佢哋身上啲塵,因為點都會鋪塵。」說到雕塑很精緻,清理時亦要很小心,否則很容易破損,他即說:「係好容易爛,所以要保存得好好,唔爛嘅話,擺番3、5、7年就會升值,當然要睇吓係咩款,如果靚嘅話,10年可以升值好多,而北京呢度有人幫我睇住,屋企嗰啲就要靠自己,一清理就足足用1個月去搞。」
他又透露今年年底會有新搞作,打算將現時北京博物館的珍藏運到深圳:「我會同Partner投資1間餐廳同Bar,客人可以一邊食嘢飲嘢,一邊欣賞雕塑,有人出合理價錢嘅我會賣,到時每個玻璃櫃會擺個獨立嘅公仔,唔同嘅Size都有,同埋嚟緊會推出一系列自己設計嘅Figure。(設計咩類型?)會做貓先,係有型、特別嘅貓,嚟緊可能會同珠寶商合作,喺Figure上面加上黃金、白金甚至鑽石,而且係限量版發行。」
親自設計限量版雕塑
吳卓羲多次表示這些雕塑不是用來玩的,全部都是藝術品,每一個都非常脆弱,一碰一撞都不可以,農曆新年後他會進行設計的第一步,之後正式做個樣辦,吳卓羲親自設計的限量版雕塑即將誕生!