郭晉安撐老婆學歷靠自己 湯洛雯情人節失蹤原因係?

20210219
東網電視
更多新聞短片
郭晉安笑言冇擺酒秘笈傳授畀湯洛雯,佢自己都唔記得晒!
藝人郭晉安(安仔)、湯洛雯(靚湯)、譚俊彥、王君馨、譚凱琪等,今日為無綫熱播劇《失憶24小時》宣傳,大玩遊戲之餘,又齊齊「撈起」取其好意頭。講到太太歐倩怡於社交平台Post四方帽相,開心宣布畢業,成為食物及營養學一級榮譽理學士後,卻惹來酸民攻擊,指她靠老公面子入學、兼用錢換學位,安仔聞言即時護妻:「讀書就梗係要畀錢。(抹殺咗太太努力。)當然啦!唔好侮辱畀一級榮譽佢嘅教授,佢哋係專業嘅。」
開心事但被講閒話會心痛老婆?他說:「娛樂圈嘅人係有啲經歷,佢係半個娛樂圈人,好多人會問娛樂圈人讀唔讀到書,佢又真係做到出嚟,依家仲好努力繼續讀緊,會愈讀愈高,好難得佢搵到自己嘅興趣,雖然辛苦,但開心,佢仲話遲啲想做科研上嘅嘢,好支持佢。」又叫酸民留待太太攞更高學位時再酸過。
安仔現跟馬國明合拍《白色強人II》,問到可有見對方經常春風滿面?他說男人老狗不會過問,現今社會又沒有適婚年齡,至於會否提早傳授擺酒Tips、夫妻相處之道、生B秘笈給一對戀人?他抵死笑指自己當年結婚都好迷糊,猶如進入了結界:「真係失晒憶!(畀人隊冧咗?)自己都想隊冧自己,藝人結婚唔係2個人嘅事,擺10間酒樓都唔夠!最緊要識多啲朋友!」
對於被指用錢買學位,當事人歐倩怡亦有於社交平台出Post回應:「今日突然好多人PM我,有關讀書的事宜,我有一個只有我身邊的同學才知道的秘密,我通常晚上考試測驗,下午就是在家睡覺,睡覺就像是Refreshing腦袋,之後可以頭腦清晰去考試。新的一年,我們一齊加油!」
早前盛傳靚湯8月跟男友馬國明拉埋天窗,就連安仔都抵死笑話8月得閒,靚湯終極否認,更再三表示是最後一次為傳聞回應:「真係冇!都否認過好多次,我諗大家都悶悶哋,話我哋好煩惱個賓客名單,我一路睇一路笑,講埋今次真係唔想再延續落去,希望大家高抬貴手!一有好消息會同大家講。」安仔亦忍不住出手救靚湯:「今年唔好問啦!下年先問啦!」
追問靚湯為何情人節不出席宣傳?她解釋指因為新年忙於拜年、兼又要幫男友慶祝生日,對於男友車位分一半給她,她笑說是幫男友慳錢:「佢屋企人唔揸車,咁就加埋我個車牌落去唔好嘥。」