孖符家浚合唱！何敏怡半年前開始養生唔飲凍嘢

有「少女米雪」之稱的藝人何敏怡（Homan）與歌手符家浚到錄音室試唱首次合唱歌，編曲及監製是《全民造星III》的歐國成，作曲是歌手胡樂彤。剛拍完福音電影《幸福奇蹟》及微電影的Homan，新年後首日開工便試唱處女歌，令她十分緊張：「嚟緊會做歌手，第一次試唱好緊張又有壓力，入到錄音室手震腳震、全身震，符家浚係我好欣賞歌手，好風趣又友善。（首歌偏高音？）平日同朋友唱卡拉OK，我通常唱男聲比較低音，今日算係突破。（尋晚養定聲？）少食煎炸嘢同唔飲凍飲，早半年前開始，唔止養聲，係養生。」她又經常行山練氣，但笑言發覺年紀開始大唔夠氣。

負責填詞兼主唱的符家浚，也笑言好緊張，見到Homan更口窒窒，他說：「第一次同靚女合作，未試過，首歌講愛情，不過首歌要幻想男女鬧交分手。」他透露入行8年，今年將推出個人第一隻專輯，收錄12首歌，另外又會用5首歌拍微電影。