洪卓立為開工唔出席舊愛湯怡婚禮：開心、祝福

歌手洪卓立出席英皇電影《金手指》記者會，講到能與梁朝偉等影帝合作，他笑言：「我收到消息時係叫咗出嚟，第一次見梁朝偉，仲要有機會合作，我嗰刻係叫到塊面紅晒，10幾年都冇試過，真係好緊張、有壓力。」

講到舊愛湯怡與麥秋成驚爆雙喜臨門，他大方笑言：「開心、祝福佢哋。（親自打去祝福？）有短訊佢，費事電話響嚇親佢。（之前知唔知佢哋拍拖？）嗰啲唔講啦，總之依家大家開心快樂。（分手之後都係朋友？）係呀，一直都係朋友。（到時會唔會去婚禮？）我嗰日咁啱要開工拍戲。」問到何時到他有着落？他就謂：「搞掂呢套戲先啦，之後又有另一套戲。」