跑緊步被許靖韻催交歌 林奕匡趕返屋企「找數」

20210220
東網電視
更多新聞短片
真係唔話得呀!
英皇歌手許靖韻(Angela)為全新廣東EP開Live Show,她表示:「鋼琴好代表我,因為大家認識我可能都係因為『小背心』自彈自唱,喺其他節目見到我好多時都係自彈自唱,所以鋼琴對於我嚟講真係一個好重要嘅『close friend』。」至於專輯名稱,她則謂簡而精:「希望大家好容易就明白我想表達嘅意思,就係我會一路向前行,亦都希望大家繼續陪住我一齊成長。」
Angela直言:「有時遇到一首好嘅歌,其實真係緣分,同埋一個好嘅timing,咁我喺好嘅timing遇到好嘅男人遇到好嘅歌,佢就係林奕匡(Phil)。」Phil上台後大爆她趣事:「佢問我可以畀歌佢?但之前同佢唔係好熟,突然間佢問我,仲要係好急促,嗰排我做緊新碟,真心我係唔記得咗呢件事,有一日我跑步跑咗兩分鐘就收到佢message,『我依家入去開會啦,但係你未交歌畀我啊。』咦!係喎,我心諗跑咗兩分鐘咋喎,諗諗吓都係工作緊要,跟住返屋企攞demo,其實我有歌喺度,但係我未upload畀條link佢,佢開完會後就話:『揀到呀揀到呀!』我都真係好開心。」