隔離中同姚樂怡聚會？張文慈為手帶解畫

藝人張文慈之前一直留喺內地工作，曾透露要同屋企人過農曆新年，所以返港同屋企人共度佳節。而日前佢喺社交網上載同姚樂怡聚會嘅片，不過有網友見到佢當時戴緊監察手帶，紛紛質疑佢喺隔離期間，竟然邀請朋友上佢屋企，理應戴番個口罩會比較安全，佢就話當時已經完成隔離：「已過了隔離期第2天忘了除。」同粉絲大派定心丸。

其實翻查其社交網記錄，見佢喺社交網透露於1月17日返到香港，所以1月30日就完成隔離，而條片係2月2日先上載，所以當時根本係佢大頭蝦，冇剪到手帶，先引起呢個誤會！