何超蓮收貓花冧到暈　整定雪花酥「孝敬」竇驍

賭王三房千金何超蓮同男友竇驍經常喺社交網放閃，日前初三情人節，雖然2人無法見面，不過佢就晒出男友送嘅貓貓形狀永生花，可愛又環保，佢對此非常滿意，仲同男友視像大讚對方貼心，乘機大晒恩愛。

3月白色情人節將至，超蓮決定親手整雪花酥做回禮，不過為免唔好食所以先試整一次，到時去上海再正式整畀男友品嘗。由準備材料、搓混粉團、切件，全程都落手落腳做，認真有心思！其實超蓮不時為竇驍下廚，適逢男友生日又炮製愛心蛋糕，夠晒賢慧貼地，獲網民讚最佳女友！