延期一年！味之天使鄭瑩瑩終晒過大禮相

2007年落選港姐、「味之天使」鄭瑩瑩在娛圈打滾6年後，便離巢無綫後轉做公關，之後再同友人合資開公關公司。2019年佢獲圈外男友求婚，但之後因疫情關係，婚事被迫延期。呢日佢喺社交網晒出過大禮嘅相片，金器、海味同禮餅等樣樣齊，包羅萬有！佢留言：「落訂，禮成。」佢仲話Delay咗成年終於搞得掂，係開心嘅一天。