陸浩明被催婚！肥媽認定陳詩欣係新抱仔

藝人陸浩明（6號）因與肥媽（Maria Cordero）合作飲食節目《食平D》系列，而成為最佳拍檔，雖然肥媽經常喺節目鬧6號，但其實2人感情深厚，仲上埋契成為「母子」。

佢同6號開直播教網民整啤酒雞，期間貼心嘅6號同埋女友陳詩欣，為肥媽送上生日驚喜，補祝佢67歲生日，詩欣一出場就即被肥媽催婚：「你幾時做陸太？」6號立刻扯開話題，指生日蛋糕係由女友挑選，肥媽聽到後對詩欣讚口不絕：「呢個新抱就乖，個仔就麻麻！」6號就劃清介線話女友係未來新抱，肥媽即變臉兼「教訓」6號：「咩未來呀，定咗㗎啦，爭在未擺酒！」睇嚟肥媽已經認定呢個新抱仔！