羅子溢升呢「一哥」！同張曦雯續前緣有發展機會

藝人張曦雯（Kelly）、張文慈（Pinky）及羅子溢因合作拍攝無綫劇《木棘証人》而成好友，3人投契非常。Kelly 3月初將隨《白色強人II》團隊到深圳外景，未計14日強制隔離及7日居家隔離，單是開工已需逗留個半月，故3人日前夾時間午膳兼新年團拜。全程傾到雞啄唔斷，子溢自爆改名後普通話發音等同「一」，故突然被冠花名「一哥」，而「家姐」Pinky負責埋單請客，Kelly則約定大家返港再聚。

據悉，子溢有感與Kelly的螢幕CP討好，故早前他為《陀槍師姐2021》拍攝煞科戲時，靈機一觸推薦Kelly參演一角，結局篇現身且暗示他們將有發展機會。而Kelly客串角色名字與職業都跟《木》劇一模一樣，成功將兩劇crossover，增添觀眾的親切感。雖然今次只是客串，但Kelly未有「偷工」，以一襲橙紅晚裝登場，為《陀》劇尾聲放彩蛋。談到今次演出，Kelly笑謂：「冇乜得準備，連劇本都冇。嗰時我咁啱拍緊《踩過界II》，成日喺公司見到子溢，有次大家同監製方駿釗傾偈講起，咪有咁嘅構思囉，都幾好玩。」