【曾傳車震】Baby被爆三亞約會男星　鄧倫再捲緋聞

女星Angelababy與黃曉明結婚多年屢傳婚變，早前有指男方夜店攬女，加上Baby以「黃先生」稱呼老公，婚變傳聞愈煲愈勁！近日有網友爆料指於三亞海棠灣巧遇Baby衝浪，身旁有一名男星作伴，不過嗰個唔係黃曉明，而係「鄧姓男星」！網民紛紛揣測男星身份係鄧倫，過去與Baby合作劇集《我的真朋友》曾傳緋聞，甚至傳出車震，男方工作室曾否認並叫網民唔好散播謠言，如今再次傳出緋聞，未知今次會點樣澄清呢？

過年時Baby被拍到現身機場，帶仔仔小海綿飛三亞度假，現時未有回程消息，似乎仍然度假當中。