百萬擂台戰拖幾耐？林作怒撕鍾培生合約：垃圾

麥明詩舊愛林作同「百億富三代」鍾培生因掀起百萬搏擊擂台賽，已成全城花生話題，2人一進一退火花十足，未「開賽」就已經娛樂性爆燈，早前就講過今日會簽約，兩位公子都言出必行，鍾培生先出招晒出工作枱一角，並Tag林作嗌佢「收嘢」，似係已向對方發出擂台賽合約。

而愛彈出彈入嘅林作，今次亦好爽手，回覆指已經Print緊出嚟睇，點知佢竟然大鬧對方Send過嚟份合作約係垃圾，留言：「咩鬼律師寫嘅爛鬼拳擊賽事舉辦合約？0分重作！」佢更拍片即場撕爛合約，並言：「咁嘅垃圾你都Send畀我？」仲嗌鍾培生親自嚟同佢傾過，睇嚟今場賽事又要再拖一拖、等一等喇…

鍾培生亦極速表示會配合，不過生死狀同出場費就企硬唔改得。