同無綫破冰全因誠意 環球高層黃劍濤否認過檔星夢

2021年02月22日 11:46
東網電視
更多新聞短片
黃劍濤指會派旗下歌手出席周三記者會。
無綫與環球唱片破冰後,絕迹無綫多年的旗下歌手將華麗再現,環球董事總經理黃劍濤(Duncan)坦言促成今次融洽關係,全因曾志偉和何麗全:「大家都有誠意同互相信任,所以一拍即合。」
問到環球歌手最快何時會亮相無綫節目?他說:「未傾到,人哋嘅內政會點部署,我唔方便去問,無綫節目唔係淨係為環球嘅歌手,係為成個樂壇,但星期三個記者會,我都會派Gin Lee、AGA、陳凱詠出席,伸出友誼之手,展示出環球的誠意。」
盛傳曾志偉找他接管星夢唱片,Duncan坦言聽過傳聞,但他爽快否認:「冇咁嘅事,真係冇搵過,我仲喺環球做緊,唔好講簽咗合約,好多歌手我簽番嚟,我都要有所交待,何況真係冇搵過我。」
他坦言環球跟無綫都是想為香港樂壇好:「依家真係冇得夾硬嚟,唔係淨係講關係,我啲歌係唔得,係唔會夾硬,否則會害死個歌手,害死無綫同環球,今時今日好高透明度,啲樂迷心中有數,唔係去傾獎,得就得,唔得就唔得,呢刻我哋要去做好啲歌,無綫需要我哋去配合,合適嘅宣傳我哋一定配合,就等無綫邀請同安排。」