陳喬恩發福傳懷孕 晒索相反擊:去拍別人吧

2021年02月22日 13:10
東網電視
更多新聞短片
台灣女星陳喬恩與細9年嘅馬來西亞富二代曾偉昌,因拍攝內地真人騷《女兒們的戀愛》擦出愛火花,二人戀得高調頻頻放閃,網民亦不時撥行火催婚。日前女方被拍到身材發福現身診所,再次傳出懷孕。
尋日佢喺社交網上載着住吊帶裙嘅舊相,自嘲放假食得太多,用舊照激勵自己減肥,佢仲提到:「沒有人想看我去銀行或是便利商店,去拍別人吧,我從來不曾回應過任何事情,文章上的內容不是我的說法和立場。」字裏行間感受到佢嘅無奈。柯佳嬿留言為佢打氣:「你辛苦很久了,放假就好好放鬆,不要這麼累,開工再來準備。」陳喬恩亦回覆約食飯,睇嚟二人關係良好。