玩透視係最大尺度　施匡翹一圓韓劇夢

歌手施匡翹（Zaina）今日為新歌《康復期》拍攝MV，其中1套服裝配微透視上衣，但她笑言已經很性感兼是她的最大尺度：「公司唔想我行太性感路線。（浪費身材？）夏天可能有泳衣！」又謂特意為MV漂染頭髮：「藍色旺我，染完真係順利啲，MV嘅流眼淚戲一Take搞掂。」

Zaina興奮指今次MV可一圓做韓劇女主角之夢，因為找來韓男Model做主角，大讚Oppa完美：「佢未嚟到，只係睇過相。（會有親熱戲？）要大家多多期待！」她冧笑說近期迷上韓劇《Star-Up》的男主角南柱赫：「佢係單眼皮、好陽光，怕醜得嚟又好穩重，唔鍾意太靚仔，驚會花心有好多女仔埋身，專一啲好！（前男友單眼皮？）佢內雙，覺得單眼皮有獨特味道。」

講到何哲圖（Herman）將於月尾離開星夢，她表示沒有受影響，雖然有簽big big channel藝人合約，但唱片公司是臻世娛樂。問到知否Herman會搞自家品牌？她說：「未聯絡，不過佢之前講過會Take Care我哋，祝福佢之後嘅音樂、公司都好好。」