農曆生日孖太太還神祈福 張兆輝煮飯仔慶祝

2021年02月22日 18:14
東網電視
更多新聞短片
藝人張兆輝今日農曆生日,約下午3時,他與太太現身荃灣龍母廟還神祈福。一身運動裝打扮、戴帽及口罩的他在人群中一眼已被認出。2人去選購香燭冥鏹,張兆輝點燃大香後即誠心到處叩拜,向神明許願,逗留約個多小時後,他率先步出寺廟,太太尾隨。
張兆輝發現記者在場,大方停步。談到生日願望,他表示:「希望疫情快啲過去,自己啲小朋友學業進步,大家身體健康,人人有工開。(點慶祝?)今朝同太太、囡囡,去咗同發哥(周潤發)行山,今晚會喺屋企煮飯食。其實唔係疫情,囡囡呢段時間都唔會喺我身邊,凡事都有兩面。」
他又指起碼有5年未有在港過年:「通常都同朋友去咗滑雪。(依家喺香港拍新戲?)咁啱今日冇通告啫,呢套大約拍到4月頭,之後我再返內地為彭發新片埋尾,希望到時已通關,或者放寬,唔使隔離咁耐啦。」