賴琦媛做網購平台主持　仲未放低演藝夢

落選港姐賴琦媛（Ivy）和無綫其中一份合約完結後另有新發展，除擔任網購平台主持外，亦進修演藝課程，望可在影視圈發光發熱：「我去學演技，係想有個全新感覺畀大家，望可以嘗試特別啲嘅角色，譬如化吓特技妝，將我變成另一個人，咁我嘅演技就有所發揮喇。」

至於兒時偶像曾志偉重返無綫，她自薦與前輩合作：「嗰時都鍾意睇佢個《獎門人》節目，帶畀觀眾好多歡樂同正能量，所以我希望跟前輩學習。」她又想待疫情後，能多和觀眾互動及接觸，還望有更多幕前工作。