公布喜訊？蘇可欣高調晒婚照勁騷事業線

憑節目《3日2夜》彈起嘅前港姐蘇可欣，自與圈外男友公開戀情便愈愛愈高調，不時於社交網甫合照放閃！早前2人慶祝拍拖1周年紀念時，男友送上一大束紅玫瑰，令唔少粉絲以為佢求婚成功。雖然事後蘇可欣否認婚事，不過近日佢喺社交網頻頻上載婚紗靚相，就再引起結婚疑雲。

着上低胸婚紗裙嘅佢，勁騷深長事業線，加上托腮甜笑，非常吸睛。唔少網民都好奇佢係咪好事近，紛紛留言：「新娘氣色就快擋唔住啦！」、「婚紗相？」、「差啲以為你影結婚相！」