產後現身！倪晨曦嫌未夠Fit　隔兩年再生

藝人倪晨曦（Elva）晚上出席活動，產後成功收身的她表示倘有4、5磅「仍需努力」，不過談到BB，她即甜笑答：「佢夠3個月，主動戒咗夜奶，依家一覺瞓天光。（唔算難湊？）佢算乖嘅。（想佢叫媽媽先定爸爸先？）我哋都有各自教佢叫自己囉。（黐邊個多啲？）佢未識，兩個都差唔多。」

她又直認自己出門工作心掛掛：「好似嗰日拍廣告拍足一日，我不停喺化妝間開cam睇佢，見佢醒咗就叫BB，不過佢好似冇乜反應。（追多個？）想嘅，不過打算休息兩年先，女藝人要顧及好多，減肥背後要付出好多嘢，例如做運動同認真注意飲食。（老公有乜意見？）佢冇乜所謂。」而日前她公開BB靚樣，拼上自己3個月大時的BB照，囝囝獲網民大讚似媽咪，她相當開心，但指小朋友樣貌變化大，暫時未「定型」。