無綫同三大唱片公司破冰　陳柏宇戥後輩高興

無綫跟三大唱片公司破冰，成為近日樂壇焦點，身為而Sony Music旗下歌手的陳柏宇（Jason）出席公開活動，被問到對此事睇法，Jason說：「我又未至於話有『等到呢一日』嘅感覺，我一直都有上TVB節目嘅，只係冇去頒獎禮啫，反而我啲師弟、師妹從來未去過無綫頒獎禮，可能佢哋會覺得新鮮啲，我戥佢哋高興啦。（又多個平台宣傳喎。）我冇好計較呢樣嘢，其實應該咁講，調番轉頭星夢一班歌手都有啲頒獎禮去唔到，佢哋都好慘。」

提到囡囡近日經常向男生獻吻，Jason大方表示：「佢經常周圍錫人，每日起床、瞓覺、我返到屋企都會同佢錫錫。如果唔係疫情嘅話，佢呢種行為我係接受嘅，表現到Love and Appreciation（愛與欣賞）。佢遲啲返學，同同學仔接觸及老師教導，就會自自然然識嘢，可能唔會再咁。」