打波公然恰細路!洪永城被蕭正楠鬧爆:城渣!

2021年02月22日 21:19
東網電視
更多新聞短片
日前運動場所已經重新開放,洪永城(Tony)即急不及待落街場打籃球,與波友同場較技,點知佢竟搵一個小朋友做對手,期間更公然蝦細路!片中見Tony宣布開戰:「嚟呀,開波!」之後小朋友多次嘗試投籃,但Tony卻以身高優勢用手拍走個波,見小朋友雖然被Tony恰,但依然笑得好開心。不過原來佢係趁小朋友嘅爸爸唔喺度先至咁囂張!佢話:「喺球場上面我真係好開心,亦都喺度搵到真正嘅信心。我從不懼怕任何對手,只怕對手不夠強大。#佢爸爸喺後邊打緊波如果唔係會過嚟打我」
好友蕭正楠(阿蕭)都忍唔住鬧佢「城渣」,Tony回覆:「我同你打,我都會咁樣做!」有人笑指嗰位小朋友會留下童年陰影,Tony則回道:「童年美好回憶!」