鄰居變本加厲!馬浚偉直斥「慢性謀殺」

2021年02月22日 22:10
東網電視
更多新聞短片
藝人馬浚偉早前喺社交網開直播時,自爆被樓上鄰居噪音滋擾1年,公開控訴後情況的確有好轉,但尋晚對方又重蹈覆轍,於晚上11時製造噪音,被樓上單位「轟炸」嘅佢先後向管理處投訴兩次,但對方卻變本加厲,不斷敲打屋內地板,刻意製造超強噪音反擊,令佢最終忍無可忍報警求助。
當警員到場調查,對方竟否認有發出噪音。其後馬浚偉開直播交代近況,直言:「如果畀我知樓上原來係情緒病患嘅話,又或者家人係控制唔到情緒嘅話,我真係即刻收聲,但好明顯佢唔係,大家唔好再污衊情緒病患者,我覺得佢只不過係一個暴發戶,佢之前話自己有錢可以買起我個單位,叫我搬走。」佢續指對方嘅行為屬「慢性謀殺」別人,令人難以安寢,並稱已保留一定證據,定會採取法律行動。