27年前相識首合作！敖嘉年蔡國威盼一齊拍劇

藝人蔡國威、敖嘉年及和音師阿銀現身《星級靚聲演唱廳》Live Music Show，嘉年透露與二人早於27年前參選歌唱比賽認識，今次乃事隔多年後首度合作，蔡國威就表示心情既興奮又有壓力：「嘉年要求大家唱番當年參選歌曲，另外仲揀埋啲高難度嘅歌畀我唱，仲出埋Rundown，似開演唱會咁，尋晚仲問我有冇耳機，我又唔係歌手，點會戴過啫，所以好驚出醜。」

嘉年則大派定心丸，笑指會從旁協助，着他無須擔心。問到會否合作拍劇？蔡國威表示與對方曾一起演出無綫劇《伙記辦大事》，不過卻沒有同場，故望稍後有機會結劇緣。