Alix Lynx 碩士索女 蒙面直播撩慾火

2021年02月22日 23:00
東網電視
更多新聞短片
擁有MBA碩士學位嘅Alix Lynx,唔從商反而投身脫星界。(互聯網)
邊個話做得四仔脫星,就一定係低學歷,美國四仔界就有位擁有碩士學位嘅脫星,而且樣靚身材正,佢就係Alix Lynx。此外,佢仲有樣嘢叻,就係精於網上營銷,人氣真係超強!
嚮往花花世界
擁有MBA碩士學位嘅Alix Lynx,點解唔從商反而投身脫星界呢?咁就要從佢細個開始講起。喺美國紐約州北部一個偏遠農業小鎮出生嘅佢,其父母相當注重佢嘅學業,故此佢自細努力讀書之餘,亦積極參加各種活動,除咗係學校銀樂隊成員之外,更係花式溜冰隊隊員,故成為學校嘅風頭躉,一直喺眾人嘅目光下長大。高中畢業後,佢升讀大學,並完成電視廣播學士學位,正當佢想出嚟工作時,母親提議佢完成埋碩士學位,將來喺社會上會更有競爭力,結果佢就取得社會媒體營銷MBA碩士學位。
雖然阿妹學歷高,但其實佢好嚮往朋友花花世界嘅生活,尤其係多姿多采嘅性生活,更係令佢着迷。碩士畢業後,佢以短短幾個月時間,喺一間公關公司任職經理,其後佢轉工去到一間社交媒體擔任顧問,卻喺獲聘後才知原來呢間公司係從事成人直播工作。
最佳野性蕩女
而佢為咗做好份工,花咗好多時間了解成人直播嘅工作,及後佢開設個人成人頻道,更以蒙面方式進行直播,結果成功獲得極大回響,令人氣急升。及後,佢獲著名四仔片廠Hustler嘅邀請,以藝名Layton Parker演出處女作《Bonnie Rotten Bounty Hunter》,並正式投身脫星界。
之後佢改用現時藝名,演出多套戀物題材嘅作品,包括《Bondage Agenda》、《Bondage Cam Show》、《Dressed In Ropes》等,全部都獲得極佳銷量,更喺Spank Bank Technical頒獎禮奪得「最佳連身衣女王」及「最佳野性蕩女」獎項,而喺AVN頒獎禮更獲提名「最佳脫星」。對於喺四仔界嘅成就,Alix Lynx認為除咗因為佢嘅索爆外形外,更因佢相當懂得營運網絡平台及直播媒體,令曝光率大增,成功吸納更多粉絲。
Profile
出生日期:1989年5月5日
身高:163cm
三圍:34D-23-34
Alix Lynx嗰種狂放嘅演出風格,加上擅長演出戀物題材,確實別有一番魅力。大家想欣賞佢嘅演出,除咗睇佢嘅作品,仲可以Click入佢嘅社交網,一樣大飽眼福。