老婆獻出第1次　啤梨開頻道閃盲網民

新城DJ啤梨（葉文輝）最近上載和太太的放閃片，兩公婆走訪北角區時，他向太太講述在北角成長的往事，不少網民笑他們：「同個太陽鬥曬喎。」他接受電話訪問稱：「其實我係拍啲片放上我新成立叫《梨睇吓》嘅頻道，太太唔係我首位嘉賓，但我太太就真係第1次出鏡，因為我想1次過，講畀佢聽同畀佢睇我細個時嘅故事，我係喺北角讀書，有段時間仲住北角屋邨，不過我住嗰條邨，依家已經變咗個新商場。」

他又說今年定了新發展方向，就是用心營運個人網上頻道，因近年愛睇網上片，亦follow了不少網紅，覺得在網上開設頻道是大趨勢：「我有個目標，就係做到多人啲follow我，正如我follow其他人一樣。」又指自己一手一腳製作頻道感覺特別，自感在電台及娛樂非新人，但在網上頻道上自己要由頭學起。