解答網友婚姻問題!王君馨自爆同老公兩性關係

2021年02月23日 08:07
東網電視
更多新聞短片
藝人王君馨(Grace)與老公Daniel向來恩愛,近日佢與好友拍片回答各種有關婚姻嘅問題,講到同老公邊個先講我愛你,Grace就話:「係我先講,我一生人唔會同人先講我愛你,除非我會嫁畀佢,有一日我同佢喺張床傾偈,突然覺得佢就係結婚對象,佢當時都呆咗!」佢又爆自己係老公第7個女友,而老公就係自己第3個男友。
問到佢與老公邊個更愛呷醋?佢就指年輕時鍾意被異性包圍嘅感覺,故令當時仲係男朋友嘅Daniel非常缺乏安全感,至後來佢明白要對另一半負責任,學懂向其他男士「落閘」,Daniel便不再呷醋。
而之前Grace喺條片有講「SEXUAL」這字眼,字幕顯示為「性慾」,為免引起誤會,佢就刪片,換咗條新片。