林作問准阿媽可以打鑊鍾培生 林母:打爆佢!

2021年02月23日 10:00
東網電視
更多新聞短片
林作同「百億富三代」鍾培生嘅「世紀之戰」未上擂台已經充滿火藥味,林作之後又話畀多3個月時間佢操,又撕合約,畀人話佢玩拖延戰術。身體髮膚受之父母,上到「戰場」拳腳無眼,林作今次就拖埋成日同佢頂頸嘅阿媽落水,尋晚又出Post,問准阿媽可唔可以打鑊鍾培生。
林母唔只冇反對,仲100%支持個仔:「打爆佢(鍾培生),我一定支持他,打鑊佢,你一定要爭氣,贏番嚟!」得到阿媽加持,林作即時上晒身奸笑,睇嚟信心十足。
至於林作舊愛麥明詩就繼日前鬧爆林作用女性性器官字句,有侮辱女性之嫌後,佢尋晚又發文講男女平等問題,更引用母親獨立自強的故事,仲寫:「我很希望渴望女性能有與男性等同的空間闖出自己人生的旅程。」