首次合體拍廣告！林志玲冧嗲老公肚皮冇聲氣

台灣藝人林志玲前年下嫁EXILE成員AKIRA，婚後肚皮一直冇聲氣，不過估唔到最快有起色嘅竟然係佢哋個荷包，林志玲同AKIRA首次合體嘅飲品廣告花絮終於曝光，真係令人睇得好心動！

見拍攝當日，雖然AKIRA同林志玲係分開工作，不過兩個人都默契十足，除咗同樣着上純白情侶Look上陣外，身在日本嘅2人亦大晒恩愛，即使冇拖手、攬攬等親密舉動，但係林志玲就不斷冧豬望實老公，一時附身甜笑，一時又放電迷暈AKIRA，粉紅色泡泡浮晒出嚟，真係睇見都覺得Sweet爆！