周杰倫傳豪使3億台幣買「最貴豪宅」贈昆凌

台灣天王周杰倫（周董）一向都出名寵愛老婆昆凌，今日有台灣媒體透露，周董豪擲逾3億元台幣（約8,340萬港幣）買入有台北市「最貴豪宅」之稱嘅大樓豪宅，當做今年農曆新年送畀昆凌嘅超級大利是！

根據地籍資料，買家姓武，戶籍地址為北市「景上靜」頂樓，住宅登記嘅有限公司負責人正係周杰倫媽媽葉惠美，而昆凌原名為武誼蓁，即令外界聯想到該市值3億元的豪宅主人就係昆凌。

雖然地產公司表示唔方便、亦無法透露買家身份背景，不過該豪宅附近民眾就私下同台媒講，過年期間曾見到周杰倫開住名車出入，令傳聞更似層層。

早前周董被指同老婆昆凌密會台灣超市大王，傾合作投資地產生意，加上一直有傳昆凌佗緊第3胎BB，今次傳出周董豪宅贈愛妻又不無道理。