經理人自己捧自己　張丹峰「小三」轉行做演員

藝人洪欣與老公張丹峰2019年傳出因經理人「小三」畢瀅介入，令婚姻出現危機，自畢瀅宣布引咎辭職唔做張丹峰經理人後，依家事過境遷，洪欣同張丹峰婚姻關係雖然繼續成大眾焦點，不過另一邊廂原來畢瀅都走出「陰霾」，竟搖身一變做話劇演員，自己捧自己！

畢瀅早前註冊視頻帳號分享生活，大晒旅遊度假片，而且網名更用番自己本名，尋晚佢上載嘅片中，就見到佢着住一襲藍色旗袍，又恤咗個50年代時期嘅髮型，一時坐梳化玩手機，一時又上台同朋友演對手戲，似乎佢轉行做演員。

部分網友睇完之後，就大鬧佢仲想向外界賺錢，又問佢咁樣算唔算係劣迹藝人等，似乎畢瀅仍然未受大眾接納。