內地驚傳吳孟達死訊　田啟文澄清：冇啲咁嘅事！

藝人吳孟達患上肝癌，日前秘密返港入院於腫瘤科留醫。今日內地媒體驚傳吳孟達死訊，田啟文受訪時澄清：「有啲黑心嘅人喺度亂傳，我要講清楚，冇件咁嘅事，唔該亂傳嘅人積吓陰德！」

吳孟達正於私家醫院醫治，並且有一班醫療團隊照顧，有指其醫療及住院費高昂，高達七位數字，田啟文表示：「醫藥費的確好犀利。（佢有冇話想搵人幫手？）佢冇叫幫手。（話癌細胞擴散緊，仔女返緊嚟香港？）佢啲仔女要讀書，冇返嚟香港。」

東網致電林子聰，對於昔日合演電影《少林足球》的拍檔吳孟達患肝癌返港治療，他表示之前一直有聯絡，但今次對方回港治療後，雙方就沒有再聯絡，又謂之前見過對方，雖然瘦了許多，但依然中氣十足，而且戒了酒和喜歡看賽馬！問其他《少》片的師兄弟會否前往去探望？他說︰「依家都想去，但又驚打擾佢！」