倪晨曦囝囝係大隻仔！網友叫同符曉薇囡囡對親家

歌手陳柏宇太太符曉薇（Leanne）與好友倪晨曦（Elva）近年先後榮升人母，呢日Leanne就帶埋囡囡Abigail到Elva家中作客，探望佢與囝囝Virgil，Leanne於社交網大晒靚相，並大爆囡囡去到陌生環境完全唔怕陌生：「Abi表示點解Elva姨姨屋企所有嘢都大隻過亞標，包括三個月嘅Virgil，仲有兩隻啤啤。喺Elva屋企太多嘢玩，又玩水又可以食士多啤梨，亞標玩到要上人哋張床瞓，下次再去玩過。」唔少網友都笑指兩個BB感情咁好，第時可以對親家。