泳兒行暗黑系做自己 被孫燕姿一句話點醒

2021年02月23日 18:45
東網電視
更多新聞短片
最緊要搵到自己方向。
歌手泳兒今日大露纖腰,參與「音樂永續」計劃的電台節目錄影,挑選了新加坡天后孫燕姿的經典金曲《天黑黑》演唱,她心心眼表示是對方的Fans:「細個喺新加坡讀書,呢首歌好有童年回憶,人大咗再唱有唔同嘅感覺,好多謝呢個計劃畀我私心唱。」又感謝孫燕姿有給予她在演繹上的意見,特別記得對方的一句說話:「佢話做歌手,唱歌嘅時候一定要加入自己嘅故事、特色,依家無論喺曲風、衣着都有同公司溝通,想做番自己少少,行暗黑系、着沉色衫,好開心可以更加表達到自己。」
新一年泳兒希望可以再接再厲唱好歌,並透露剛收了一份新歌歌詞,同樣都是包含暗黑元素。不過她笑說現時另有緊要任務在身:「新年食太多蘿蔔糕要減肥,男友見我試今日呢套衫話我有肚腩,所以我要縮少少肚。」
另外,講到無綫跟三大唱片公司正式破冰,她表示都有留意到,並謂最希望樂壇能百花齊放:「歌手可以有機會上唔同平台唱歌係件好事,就好似自己都會試唔同曲風嘅歌,近日推出嘅新歌《所有遺失的東西》仲有同組合per-se合作,雖然大家唔同風格、唔同公司,都好多謝公司畀呢個機會我哋,出嚟嘅效果好有化學反應。」