張建聲拍戲割傷手指 譚耀文要爬真坑渠

2021年02月23日 20:26
東網電視
更多新聞短片
真係要小心!
由譚耀文、張繼聰(阿聰)、張建聲於電影《逃獄兄弟》中,有場利用通風管逃獄的場口,3人需在通風管爬走兼爭執,但礙於管內始終會有凹凸不平的鋁片接駁位,最終人人擦損割傷,單是譚耀文的右手踭位置,就已經有3條深長血痕,張建聲則割傷手指!
配合逃獄劇情,劇組搭建了一條長約10多米、闊約1米多的通風管,但內裏不但有演員,還有攝影師、器材及燈光等,譚耀文謂:「條管睇落好闊,但拍攝時其實剩餘空間唔多,管同管之間偶然又會有一啲少少鋒利接駁位,所以一快爬時會有啲割傷,但其實都幾好玩,好似去咗主題公園。」
好過拍打戲
阿聰則稱爬通風管很消耗體力、管內空氣又不流通,慶幸拍攝當日氣溫急降:「拍爬嚟爬去,都好過拍整日打戲,或者廿幾樓跳落嚟,譚耀文同張建聲比較辛苦,拍爬管前,要先拍監倉內對決嘅動作戲。」
除了爬通風管外,譚耀文還要爬坑渠,他說看劇本時有幻想過這場如何拍,當知道要爬真渠時當然也會了解一下:「劇組特別搵咗一個唔臭同較乾淨嘅渠,見到實景時,發現真係唔臭同乾淨就當然冇問題,拍得好順利。」影片因疫情關係,香港檔期延至2月25日上映。