謝霆鋒滑雪拋金句:做自己人生經歷的開拓者

2021年02月23日 20:30
東網電視
更多新聞短片
藝人謝霆鋒近年熱愛滑雪,今日喺社交網分享出遊滑雪嘅短片,片中見當日霆鋒全副武裝上陣,非常有型。佢去到一片白茫茫嘅無人地帶,登上山頂後,喺斜度只有60度嘅斜坡滑下,展開滑雪之旅。見佢滑雪時,又要揸住攝錄機,都能夠將滑雪板控制自如,有姿勢有實際!片尾佢大拋金句:「滑下來只用5分鐘的超級斜坡,我們爬了3個小時才到頂。探索不尋常的路,做自己人生經歷的開拓者,這些都是我嚮往的。哪怕再累,I'm all in!」短片一出,有網友發現背景音樂係其新歌《非你不可》,一班粉絲紛紛感嘆:「霆鋒總算發新歌啦!」
見霆鋒滑雪咁開心,其經理人霍汶希(Mani)就喺社交網話:「我在辦公室等你,自動續約20年的協議準備好了!」而「#霍汶希要謝霆鋒自動續約20年」成為熱搜題目,一度登上熱搜榜第2位,仲超過2億網民討論。