【買1送10】馬貫東做疏爽店長:唔使蝕好開心!

2021年02月23日 22:16
東網電視
更多新聞短片
馬貫東為慈善出一份力。
藝人馬貫東近期忙於拍攝劇集《把關者們》,亦不忘湯包生意,日前在合作店內親自擔任「一日店長」,Sell湯包送口罩,為慈善出一份力:「本身都預咗筆錢出嚟賣廣告,不如攞嚟幫助有需要嘅人,所以客人買任何一樣嘢,我哋會捐出10 個口罩。(捐畀邊個?) 暫時未有方向,考慮當中。」
他坦言生意額每月都有增長,有穩定客源:「好好呀, 唔使蝕好開心!(會唔會再搞其他生意?)唔會啦,專心搞好呢度先!(利潤夠填番之前開嘅熱狗手工啤酒吧嘅錢?)梗係未啦,不過我相信都快啦,所以要努力啲。」