首次同蝦頭合作獲大讚 可宜恨做癲婆角色

20210224
東網電視
更多新聞短片
可宜今次畀自己70分。
藝人可宜近年除專注擔任主持工作外,更有新嘗試,早前與藝人黃祥興及楊詩敏(蝦頭)等拍攝微電影,內容反映自閉患者喺社會生活嘅情況,喺戲中飾演社工嘅佢,大呼好玩,畀自己70分,坦言仲有進步空間:「平時好少拍電影同微電影,大多數都係客串性質,較重戲份都係第一次,之前都有特登去上吓演技課程,冇乜NG,唔算好失禮,畀自己70分啦,覺得仲有好大進步空間,希望下次可以嘗試其他角色,唔使咁正經,癲癲哋我都冇問題。」
  
佢又謂同好戲之人蝦頭合作,令佢獲益良多,更獲對方大讚:「同蝦頭合作,好感染到佢嘅演技,但其實我同佢有好多共同朋友,但見面同合作都係第一次,佢見到我話:『乜有啲咁靚嘅社工㗎咩?』搞到我都唔係咁好意思,哈哈。原本微電影會有首映舉行,但最後因疫情關係改喺網上播映,雖然係有少少可惜,但安全最緊要。」