蔡思貝生咗仔？孫慧雪講錯嘢惹誤會

藝人孫慧雪同蔡思貝、賴慰玲因拍攝劇集《純熟意外》而成為好友，近日佢哋相約聚會，孫慧雪喺社交網大晒合照，並透露特登放低家中小朋友，百忙中抽空出席，但佢留言：「大家特登放低個仔，好爭取時間咁出嚟聚吓！」即令唔少人誤會佢「踢爆」蔡思貝收埋個仔，紛紛笑指：「蔡思貝都生咗仔」、「蔡思貝幾時生咗BB㗎？」孫慧雪即解釋原意想指自己與賴慰玲撇下囝囝，估唔到造成大家誤會，立即修改留言。